CHAPTER 22- PAIN AND LIES

"Maghanap? Akala mo gano'n kadali iyon? Palibhasa madali lang para sa'yong manakit dahil alam mong maraming nagkakandarapa sa'yo. Pakibawas ako sa listahan mo."

"Ayaw mo na ba?"

"Malandi lang ako pero 'di ako martyr. Isa pa, hindi rin madaling maging kabit," asik ko at nangalumbaba pa. Nasa hita ko nakapatong ang siko kong pinampatungan ko din ng panga ko.

"Bakit? Masama bang mahalin si Eli..."

"Blahblablah," putol ko sa sasabihin niya.

Nakita kong napasimangot siya. Naiinis ko siyang tinitigan. Bakit parang ang ang-ang niya talaga? Nasabi ko naman na nasasaktan ako dahil sa mahal niya iyong isa pero inuulit-ulit pa talaga. Sarap sambunutan ulit, eh.

"Shane..."

"Blahblah."

Bahala ka diyan, ikaw ang nagtulak sa akin para ipakita ang totoo kong ugali.

Hindi talaga ako mabait, hindi ako mapagpasensiya, hindi ako malandi, hindi ako clingy, hindi rin ako open sa lahat ng tao at bagay pero ng dahil sa kanya ay naging gano'n ako. Siguro oras na rin para ibalik ko ang dating ako. Ang Shane