CHAPTER 29- FALLING STAR

"Sa wakas!" sambit ko nang matapos akong magsulat ng lesson plan ko. Basta ko na lang ipinusod ang aking buhok at ginawang ipit ang ballpen na aking nadampot.

Lumabas ako ng Flat ko at dumiretso sa GC Bar. Gusto kong uminom para lang makatulog kaagad ako. Ilang araw na rin akong halos walang tulog. Baka mamaya ay magkaroon na lang ako ng anxiety disorder.

Tsk. That's not even a joke, Kenshane.

"Eh, hey, hey!" untag sa akin ni Silang nang magpang-abot kami sa loob ng bar.

Wala naman na yatang ibang lugar na pwedeng tambayan ang isang ito kaya dito na palaging nakatambay. Kung hindi ko lang alam na isa siya sa PA dito ay baka napagkalaman ko na siyang barista o manager dito.

"Iinom ka ba?" dagdag tanong nito.

Napairap naman ako. "Ano pa nga ba ang gagawin ko sa lugar na ito, Silang? Magzu-zumba?"

"Pwede naman, ha?"

"Psss! Tabi," sabi ko na lang at marahang hinawi ito para makadaan ako. Paharang-harang din, eh.

Naupo muna ako sa isang tabi para kalmahin ang aking sarili. Pagod ako