CHAPTER 31- GUIECO'S PRINCESS

Napaawang ang bibig ko nang ilapag ni Lovimer sa harap namin ni Trice ang sibuyas, luya, bawang, carrot at kung ano-ano pang kasangkapan.

Oh my! Wag niyang sabihing kasali ako sa pagluluto? Sabi na kasing maganda lang ako pero inutil naman.

"Uhmm... What should I do with these?" alangang tanong ko pa.

Si Trice naman ay nakatitig lang din doon. Gusto ko siyang batukan dahil parang walang balak na umalma o magsalita man lang.

Oh, no! Huwag niyang sabihing magandang inutil lang din siya?!

"Balatan mo ang sibuyas at luya. Pagkatapos ay hiwain mo," utos pa sa akin ng haduf kong pinsan.

Nanlaki naman ang mata ko at parang gusto kong mapa-sign of the cross na lang. Napalunok ako at inaalala ang magiging kalagayan ng mga nabanggit ni Lovimer sa kamay ko. Wala akong tiwala sa aking sarili pagdating sa ganito.

Bakit pa nga ba ako pumunta rito? Pwede naman sanang sa DH na lang tutal nandito rin naman ang taong gusto kong iwasan, eh.

Lord, kailan pa ba matatapos ang karma ko?! Unti-unti nama