CHAPTER 32- ICH LIEBE DICH

Puro kalokohan lang naman ang napag-usapan namin habang kumakain. Meron kaming sari-sariling topic na iniiwasang buksan kaya mas pinili naming mag-asaran na lang.

Iniwasan ko ring magtanong ng mga personal na bagay kay Trice kahit gusto ko at interesado ako sa pagkatao niya.

Masama at malandi, iyon ang pagkakakilala namin sa kanya noon dahil sa pangtitrip na ginawa niya kay Marciella noong nasa College pa lang sila. Pero lahat ng iyon ay para bang unti-unting napapalitan ng bago niyang pagkakakilanlan.

Ang nakikita ko ngayon ay ang Beatrice na ibang-iba sa persona na ipinakilala niya sa lahat. Hindi ko kayang laruin at tantiyahin ang pagkatao niya, sa totoo lang.

"So, bakit kayo naging close? Hindi ba nga galit ka rin kay Beatrice noon dahil sa ipinamigay niya sa iba 'yong sport shoes na iniregalo mo kay Marciella?" usisa ko pa kay Lovimer nang nasa sala na kami at nagpapatunaw ng kinain.

Napatitig naman sa kanya ang babae na para bang kinukumpirma kung may katotohanan ang sinabi k