Chapter 48

Akala ni Selena ay minuto lamang ang itinulog niya dahil agad siyang ginising ng kaniyang ina. Nang magmulat siya ay ang seryosong mukha nito ang sumalubong sa kaniya. Kahit hindi nito sabihin ay alam niyang dismayado ito sa kaniya. Sa tingin pa lamang nito ay hindi nito nagustuhan ang ginawa niya. Katulad noon ay naging malamig ang pagtrato nito sa kaniya dahil sa mga kasalanan niya. Ni hindi ito komontra sa ama niya sa naging parusa niya. Sinang-ayunan agad nito at baka kung hindi siya matuto sa mga nagawa niya ay baka mas matindi na naman ang mga susunod pa.

Naaalala niya noon na siya lagi ang pinapaboran nito at tinatawanan lamang ang mga pagsisintir niya. Pero nang tumagal na at lumaki ang sungay niya ay hindi na nito itinago ang disappointment na nararamdaman nito. Sa tuwina ay deadma lang siya sa mga sermon nito pero sa pagkakataon na ito ay hindi siya makapagsalita at masalubong ang mata nito. Dahil kung sana ay kinuha niya ang suhestiyon ng magulang niya ay dapat natulungan s