Chapter 52

“Pang ilang Colle na ang nahuli mo ngayon na hinayaan mong masunog sa ilalim ng araw?” tanong ni Clark sa kambal nang pumasok ito sa hotel room.

Inalis ni Selena ang hood ng suot niyang jacket at sinulyapan ito habang hinuhubad ang gloves. Inihagis lang niya ito sa kung saan at naupo. Sa halip na ang hotel na pag-aari ng kanilang pamilya sila tumira ay sa isang warehouse na pag-aari rin nila. At lahat ng mga bintana ay tinakpan nila para hindi makapasok ang araw sa loob.

Katunayan ay hindi sila bumalik ng Havilland. Lumuwas sila ng kaniyang kambal at si Arjoe. They have been hunting the Colle family for days. Ngunit ang head ng family ay hindi pa rin nila nahuhuli at nalalaman kung saan ang lungga nila. Ang mga nahuli at namatay na sa kamay niya ay mga mababang uri ng half-blood at hindi alam kung saan nagtatago ang pinuno nila. Palipat-lipat ang mga ito ng tirahan kaya ang huling kuta nila na alam ni Clark ay hindi na roon.

Ngunit sa araw na ito ay nagbunga ang pag-iimbistiga nila. A