Chapter 59

Katatapos lamang na gamutin ni Roland si Lira at kinabitan din ng IV drip. Mabuti na lamang at kahit maraming galos ito ay hindi pa rin ito nalagay sa alanganin. Ang sugat naman sa mukha nito ay mag-iiwan na ng peklat dahil masyadong malalim iyon.

Lumabas na sila ng treatment room para bigyan ng privacy ang dalagita at si Clark. Kahit na hindi na banggitin ng kanilang kapatid ay alam nilang lahat na ito ang Thiramin nito. Kahit na gusto niyang biruin ang kambal na masyadong bata si Lira ay pinigilan niya ang kaniyang sarili. Dahil alam niyang ibabalik din nila sa kaniya sapagkat malayo ang agwat din ng edad nila ni Elmhurst.

Nang makita niyang lumiko si Elmhurst at lumabas ng backdoor ay agad na sinundan niya ito. Kahit na malamig ang pakikitungo nito sa kaniya ay hindi pa rin siya susuko. Gusto pa rin niyang suyuin ito para magkabati na sila. Pero alam niya na nabunutan na ito ng tinik dahil nalaman nito na hindi ito ang pumatay sa sarili nitong ina. Hindi rin dahil may koneksyon sil