Chapter 15 - Choices

“Delikado po rito kapag malakas ang ulan. Kung napapansin po ninyo, ang lebel nang lupa mula doon sa malaking puno nang narra papunta dito sa may bukana nang talon, padalisdis po.” Dagdag pa ni Tata Ambo.

Napasunod ang mga mata nila sa tinuro nitong puno. Siguro’y dahil na rin sa kasabikang narating na nila ang lugar at sa kagandahan nang tanawin, hindi na nila napansin ang mga munting detalyeng nabanggit nang matanda.

“Ang mga naglalakihang bato naman na nakapalibot sa lugar na ito --” Turo pa nito sa mga rock formations. “-- kapag matindi ang buhos nang ulan, nagiging mistula rin silang mga talon. Raragasa ang tubig mula itaas papunta dito sa ibaba at malakas na dadaloy papunta naman dito sa bukana. Mahihigop tayo kapag nagkaganun’.” 

Nakarining silang muli nang pagkulog sa ‘di kalayuan. Nagsisimula na rin