Kabanata 34

MIKAY

Kinabukasan, tanghali na akong nagising kaya naman aligaga akong nag-ayos. Kasi naman hindi agad naalis sa sistema ko ang nangyari sa kwarto ni Damonyo... tapos wife... hindi matanggal iyan sa buong pagkatao. Sa tuwing naaalala ko kung paano niya lapain ang labi ko kagabi ay hindi ko maiwasang makaramdam ng kung ano sa aking tiyan. Pakiramdam ko may paru-parong nagsasaya sa loob ko.

"Anak, hindi ka na ba kakain?" tanong ni Nay Cristy nang makita niya akong nagmamadaling bumaba.

"Hindi na po. Late na po ako eh. Salamat na lang po Nay. Bye po!" mabilis na saad ko saka.

Patakbo akong lumabas ng bahay ngunit napapreno ako nang makita ko si Damonyo na mukhang may hinihintay. Bahagya pa akong napaatras nang makita ko siya. Shucks! Bigla na naman akong kinabahan.

"Oh Mikay, para kang nakakita ng multo," ani Tay Kanor na lumabas mula sa bahay. "Oh. Baon mo raw sabi ng Nay Cristy mo," pagkakwa'y saad niya saka niya inabot sa akin ang isang paper bag. "Damon hijo, talaga bang sasabay k