Kabanata 106

Hindi nakatakas sa mata ng batas si Cedie at malugod niya naman iyung tinanggap dahil sa pagkakamali niya. Masyado siyang kinain ng galit dahil sa maling pag-aakala. Matagal ng patay ang kanilang ina pero hindi man lang nakarating sa kaniya ang mga dokumento ng financial group dahil namatay na ang personal lawyer ng pamilya niya.

Nang matapos ang hearing at sinentensyahan ng pagkakakulong ng maraming taon si Cedie ay hinanap niya ang kapatid niyang si Dawson. Gusto niya sana itong makausap pero hindi niya na nakita si Dawson. Tipid na lang siyang ngumiti, naiintindihan niya naman kung galit pa rin sa kaniya ang kapatid niya.

Sino nga bang magulang ang hindi magagalit kung pinagtangkaan mo ng maraming beses na patayin ang nag-iisa niyang anak?

“Dad,” tawag ni Ricky sa kanilang ama nang makalabas ito ng court room at nakaposas ang dalawa niyang kamay.

“How’s your wound now? Are you okay?” nag-aalala pa ring tanong ni Cedie sa bunso niyang anak.

“Okay na ako,” tipid na sagot ni Ricky, n