Chapter 25

'HINDI kita anak.'

'Kapatid kita at ama mo ang Papa ko'

Hindi ko alam kung ilang beses nang pumasok sa utak ko ang sinabi sa akin ni Dad kanina. Hindi ko na maalis sa isip ko 'yon at paulit-ulit nang nagre-replay sa utak ko ang kaniyang mga sinabi.

"I am what? Lolo's daughter?" Tanong ko sa sarili at pagak na tumawa. "What a lie! Napag-usapan namin na hindi muna ako papayag sa gusto niya hanggang sa hindi pa ako umaabot ng legal age tapos gagawa siya ng kasinungalingan na akala niya ay paniniwalaan ko? Tsk." Dagdag ko pa.

Napalingon ako sa pintuan nang may kumatok. Hindi ako nagsalita at hinintay na lang pumasok ang kumatok sa pintuan ko. It's Kuya.

Nakaramdam ako ng ginhawa nang makita siya. Sinabi ko kanina na kakausapin ko siya para makipag-ayos kaso hindi ko nagawa dahil napuno ang utak ko ng mga narinig ko kanina at ang gagawin ko dapat ay siyang nakalimutan ko.

"Kuya." Nakangiting pagtawag ko sa kaniya.

Oo, parang nawala lahat sa isip ko ang mga narinig ko nang makita ko si Kuya