Chapter 100

Nang makababa si Anastacia sa isla ay ipinaliwanag niya kila kina Renan ang tungkol sa lahat-lahat. Naroon sila sa sala ng mga ito at nagkakape.

“Aalis din ako rito, nagdesisyon ako dahil gusto kong iligtas si King, hindi ko naisip kaagad na hindi ako ang dapat magdesisyon para sa isla,” ani Anastacia.

“Sa tingin ko ay may punto ang Zone 66, nagiging takot na rin sa karamihan ang mga sabi-sabi na napaparami na ‘yong mga ibang mukha rito. Iyon ang mahirap sa isla na ‘to, masyadong bukas sa ibang tao. Napaparami rin ang mga nag-re-research ngayon sa kabilang isla dahil sa mga makakamandag na halaman at hayop,” ani Renan.

“Nagbibigay takot na rin ‘yon sa karamihan, tingin ko puwede mo namang subukan na kausapin sila. Malakas ang Zone 66, sigurado ang proteksiyong ibibigay nila,” ani Marina na tumingin sa asawa.

“Pero hindi naman dahil iyon ang tingin natin, ganoon din ang tingin ng mga tao rito. Kai