Chapter 65

Nang makabalik si King ay tulog pa rin si Anastacia. May dala na siyang kasuotan para mamaya sa subastahan. Hindi naman niya puwedeng hindi puntahan si Kristelle. Kung gusto niyang protektahan si Anastacia ay kailangan niyang iwasan ang kanyang ama na makilala o matuklasan man lang ang tungkol dito.

Nakaligo na uli siya nang makalabas siyang gising na si Anastacia at nakahain na ang mga kakainin nila. Nakabihis lamang ‘to ng roba.

“Kumain na muna tayo.” Nakangiting baling nito sa kanya. “Mukhang mahaba ang oras na nakatulog ako, pasensiya ka na, naghintay ka ba nang matagal, mahal?”

Namula sila pareho. Mukhang hindi pa rin sanay sa tawagan.

“Hindi naman, kadarating ko lang din, m-mahal.”

Nagkangitian sila sa huli dahil halatang naiilang sila.

Pumunta na sila sa hapagkainan at kumain.

“Napansin ko, masasarap ang mga pagkain sa Freed Market,” sabi ni Anastacia.

“Ginto an