Chapter 90.3

Naupo si King sa mahabang sofa kung saan madalas silang magkita-kitang magkakapatid.

Sabay-sabay na pumasok ang tatlo niyang kapatid pagkalipas ng isang oras.

“King! Buhay ka na pala!” sabi ni Stefan at kaagad tumabi sa kanya at yumakap at akmang hahalik.

Hinarangan ng palad ni King ang mukha ni Stefan.

“Pati ba ang pagiging sweet brother mo naapektuhan ng alaala mong nawala na rin?” ang hitsura ni Stefan ay tila maiiyak.

“Tigilan mo nga ‘ko, hindi naman lahat nawala,” sabi ni King.

Naupo sa tapat nila si Grim at Dark.

“Kumusta ang pakiramdam mo?” seryosong tanong ni Dark.

“Maayos na naman,” pagsisinungaling ni King.

“Akala ko talaga hindi ka na makaka-survive,” ani Grim na natatawa.

“No’ng magkikita kasi tayo sana no’n ay wala ka naman. Saan ka pala pumunta nang magising ka?” tanong ni Stefan.

“Nagpa