Chapter 98.3

Gusto ko sanang bumalik sa ‘ming isl pero hindi ko na nagawa dahil nga pakiramdam ko sobrang halaga ng oras. Para bang palagi akong lumalakad habang may katabing isang bombang nagbabadyang sumabog.

Pumunta ‘ko sa Zone 66 para sabihin kay Neo ang iba ko pang nalaman lalo ang bagong kaalamang nakuha ko. Mahabang oras ang ibiniyahe ko kay nakapagpahinga pa ‘ko at nakatulog. Nakapaglinis na rin ako at nakapagpalit ng kasuotan na ipinadala ko sa barkong nasakyan ko. Second class ang barko kaya maganda ang serbisyo at mas mabilis kompara sa third class na barko. Gusto ko sana sa first class, iyon lamang ay mukhang nakadidiri ang tingin nila sa ‘kin dahil sa kasuotan ko at marahil wala sa hitsura kong may kakayahan akong magbayad. Baka mapatagal lamang ako.

Mas maayos naman ang bestidang nabili ko, mas presentable para sa pagharap sa Emperador.

Nasa malaking bag kong dala-dala na nabili ko sa isla kanina ang pinaglalagyan ng halaman. Kailangan k