KABANATA 6

CELESTINE'S P. O. V

Balak ko na lang sanang ipagwalang bahagi ang mga paghikbi ng driver, pero may kung ano ang nagsasabi sa akin na mag-usisa.

Siguro ay inaalala ko lang ang kaligtasan ko. Riding a vehicle with a distracted and crying driver is a clear sign and might be a reason for a fatal accident.

"M-Manong, ayos lang po ba kayo? Pwede po kayong huminto muna kung hindi niyo na kaya—”

"A-Ayos lang ho ako, Ma'am. Pasensiya na.”

Muli ay nanatili akong tahimik.

Ramdam na ramdam ko ang pagkaumid ng dila ko na halos parang nalunok ko ito at bumara pa sa lalamunan ko.

At sa mga pagkakataon na ito ay hindi ko na pinagtutuunan pa ng masyadong pansin ang posibleng kalagyan ko. Ang mas inaalala ko ngayon ay ang dinadala ng driver at ang rason sa likod ng mga paghikbi niyang iyon.

Pero gustuhin ko mang magtanong ay hindi ko magawa. Alam kong wala ako sa lugar para mag-usisa.

"Ma'am, kung hindi ho makakaistorbo sa iyo, pwede ho ba kitang makakwentuhan lang saglit?” sa gulat ko ay sambit ng dri