Chapter 31 - Hands off the merchandise

"Just trust me! Dammit!" Ethan quickly pressed the unlock button at awtomatikong bumukas ang pinto nito.

Halos naningkit ang mga mata ni Zea sa lakas ng hampas ng hangin mula sa labas. Malalim ang gabi at wala siyang ibang makita kundi ang madilim at matarik na flyover na kanilang tinatahak. Ngunit unti-unting lumaki ang kanyang mata nang matanaw ang sirang barikada sa dulo ng tulay na malamang ay kung saan siya patatalunin ni Ethan.

Punyeta... asar na bulong ni Zea.

"Ready..." marahang wika ni Ethan habang titig na titig sa blinking red light sa kanyang GPS. "Jump!"

Wala nang isip-isip, talon kung talon. Basta sinabi ni Ethan, hindi na siya nag-dalawang isip pa at buong tapang na tumalon mula sa SUV. Ramdam niya ang mabilis na pagbulusok niya pababa kaya kaagad niyang inanggulo ang kanyang katawan para makapaghanda sa pagbagsak.

Isang mabilis na 4x4 truck ang paparating sa kanyang direksyon ang sakto nitong sinalo ang kanyang pagbags