Chapter 30 - Focus

"Zea Herrera?" tanong ni Yohan sa sarili saka muling tinitigan ang identification card. Ngunit laking gulat niya nang basahin niya ito."Z-Zena Perreira? Zena Perreira? Hindi ba 'to Zea kanina?" Napatigil siya sandali at napakamot sa ulo. Saka muling tinignan ang ID na kanyang hawak. Shit, lumalabo na ata ang paningin ko? Huminga siya ng malalim, bago ibinaling uli ni Yohan ang kanyang tingin sa manager. "Ma'am pasensya na po. Sige ho, iuuwi na namin siya."

Ngumiti ang manager sa kanya saka tuluyang lumabas ng VIP Room. Kaagad namang lumapit sila Gino at Bem-Bem Kay Yohan.

"Bakit Dre? Anong meron sa ID?" tanong ni Bem-Bem.

Asar na binalibag ni Yohan ang ID sa lamesa at tinitigan naman ito ng dalawa.

"Fake ID! Nagpagawa pa siya ng fake ID. Ang tikas!" inis na tugon ni Yohan habang tinititigan si Zea na nakahiga sa sofa.

****

Napasandal si Ethan sa upuan ng kanyang kotse saka nagpakawala ng hininga. "Shit... muntik na yun ah," mahina niyang sambit habang hawak ang kanyang smart watch.