Chapter 16

Dahan-dahan kong iminulat ang mga mata ko, sapo ang ulong umupo. 

Ano bang nangyari at ganito kasakit ang ulo ko? 

"Ayos ka na ba?" Halos mahulog ako sa kama dahil sa gulat. 

"Bakit ka ba nanggugulat?" Singhal ko rito.

Tumaas pa ang kilay ko at inayos ang kumot na nasa binti ko.

"Nawalan ka ng malay, malamang mag-aalala ako sa 'yo. Mamaya isipin mong wala akong puso." Napangisi pa ako sa sinabi nito. Napatingin ako sa kaniya habang isinasara nito ang kurtina ng bintana.

"Oh? Meron ka pala?" Natatawang tanong ko.

Ngayon ko lang nalaman na may puso rin pala siya, ang akala ko kasi wala siyang pakialam kung anong mangyayari sa akin. Basta maibalik ko lang ang babae niya.

"Ikaw bahala kung anong gusto mong isipin, hindi ko kasi magawang maging sobrang bait sa 'yo. Dahil baka biglang mahulog ang loob mo sa akin, ako pa maging masama." Sery