Chapter 83

Napakabilis ng pangyayari, hindi ko masundan basta nagising na lang ako na wala sa hospital at nandito sa gitna ng isang daan na sobrang tahimik!

Nasa malapit sa isang stop light. Malawak ang daan at hindi rin madilim, sadyang napakatahimik lang. Naririnig ko pa nga ang lamyos ng hangin at ang huni ng gabi na nakakapagpakilabot sa'kin.

"Jusko, nasaan ba ako?" Kinakabag akong napapatanong sa sarili ko. "Anong kalokohan na naman ba ito? Bakit kakaiba?" Ilang beses akong kumurap-kurap, sinampal ko pa ng isang beses ang pisngi ko baka nanaginip na naman ako. "Panaginip na naman ba 'to? Pero kausap ko lang naman kanina 'yong lalakeng si Hayes, kanina. Papaano ako napunta dito?"

Muli kong sinampal ang pisngi ko, nagbabakasakaling magising ako. Pero hindi. Totoong nandito ako.

"Bakit ako nandito?" Natataranta na ako, at akmang kikilos paalis, nang may mapansin akong sasakyan na parang nakipag-karerahan sa sobrang bilis ng pagpapatakbo.

Yung tuhod ko ay nanghina at literal na hindi makaki