Kabanata 56 Desire

Nagpunta sila sa Tagaytay ni Eli. Si Kaye lang ang nakakaalam ng lugar na kanilang pupuntahan. Gusto niyang makapag-isip ng ilang araw. Una niyang dapat lutasin ang problema ng kumpanya. Tsaka na niya aayusin ang mga nagsulputan niyang kamag-anak. Alam niyang mga pabalat bunga lamang ang mga taong ito. Kung hindi siya bilyonarya, kilalanin kaya siya ng mga ito? She doubted. Sigurado siyang may pakay ang mga ito. Ayaw na niyang magtiwala sa kahit na sino. Hindi din niya alam kung sino ang kalaban. Posibleng isa sa mga ito.

Siya ang driver ng kotse. Wala din siyang security. Pinapalitan niyang lahat sa agency dahil sa kapabayaan kahapon. Ang problema ay bukas pa daw dadating ang mga kapalit. Papasunurin na lamang niya ang mga ito. Biglang tumigil ang sasakyan. Medyo liblib ang lugar at madalang ang dumadaan. Tinawagan niya si Mang Ambo, ang kanilang family driver. Ngunit hindi ito sumasagot. Gusto na din niyang patalsikin ito sa trabaho kundi nga lamang may edad na ito at matagal ng nan