Chapter 31

ILANG buwan na rin ang nakalipas simula nakabalik sina Margaux at Calyx, kasama sila Cm at Don Calixto. Pagkatapos ng matagumpay na heart operation ni Cm. Simula pagkatapos maoperahan ni Cm ay naging normal na rin ang buhay nito,katulad sa ibang bata.

Hindi na rin pumayag pa si Calyx na magkahiwalay pa rin sila ng tirahan ni Margaux. Simula ng bumalik sila rito sa Pilipinas ay sa mansion ng mga Raider na sila Margaux at Cm,nakatira.

Kasal at basbas na lang ng simbahan ang kulang sa kanila para matawag na talaga silang mag-asawa ni Calyx. Wala ng mahiling pa si Margaux sa pagsasama nila Calyx dahil talagang pinuuan nito ang mga pagkukulang nito sa kanilang anak. Mas lalong nararamdaman niya ang pagmamahal nito para sa kanilang mag-ina.

Gayunpaman ay inuusig pa rin ng konsensya niya si Margaux. Hindi pa rin niya masabi-sabi ang tungkol kay Xander, ang kambal ni Cm na pinaampon niya noon. Dahil sa wala na siyang choice noon kung di ipaampon na lamang si Xander sa mag-asawang American Ci