Chapter 40-Pagkatuklas ni Alfonso sa baho ng ikalawang pamilya

NAPABALIKWAS ng bangon si Janice nang may kumatok sa kaniyang pintuan. Nasa tinig ng ama ang galit.

"Open this door, now!" mando ni Alfonso sa anak nang hindi ito tumugon sa una niyang katok.

"Dad, can you leave me alone for a while?" pakiusap ni Janice sa ama at natakot na rin sa mga ibabato nitong katanongan.

"Honey, huwag mo munang dagdagan ang sama ng loob ng anak mo. Let her take a rest." Pakiusap ni Margaret at kinakabahan na rin siya sa nakikitang galit sa mukha ng asawa.

"Huwag kang makialam dito, pumasok ka sa ating silid!" Dumagundong na ang baritonong boses ni Alfonso habang nakaturo ang hintuturo sa kabilang silid.

Ngayon lang nakita ni Margaret ang ganoong galit sa mukha ng asawa kaya napasunod siya dito. Ayaw niyang pati siya ang makatikim ng hagupit ng galit nito.

Kahit takot ay napilitan si Janice na buksan ang pintuan. Agad siyang umurong pagkabukas ng pinto nang bumungad ang galit na mukha ng ama.

"Paano mo nagawa it