39

39

BUONG MAGDAMAG ako hindi pinatulog ng isip. Hindi ako gano'n nakatulog kakaisip sa huling sinabi ni sir. Tinitigan ko lamang siyang mahimbing na natutulog sa tabi ko habang ako'y nilalamon ng mga tanong sa isipan.

Akala niya ako si Ma'am Claire? Dahil ba lasing siya kaya niya iyon nasabi? Baka nga sa kalasingan kaya niya iyon nasabi. Kasi nitong mga nagdaang araw ay hindi ko narinig na lumabas sa bibig niya ang pangalan ni Ma'am Claire. Noong umuwi kami ay hindi ko na narinig na binanggit niya ang pangalan ni Ma'am Claire. Pero kagabi sinabi niya.

Bakit kaya?

"Ayos ka lang ba?" Anang boses ni Manang.

Natigilan ako sa pagliligpit ng pingkainin nang marinig ang boses ni Manang. Sumulpot siya sa tabi ko at kinuha ang mga pinagpatong-patong kong mga plato.

"Parang puyat na puyat ka, ah?" Aniya. "Hindi ka na naman ba pinatulog ng maayos ni Tina?" Naku, ang batang talagang iyon."

Umiling ako at dinampot ang mga baso. Hinarap ko siya. "May tanong ako, Manang."

Tinignan niya ako. "Bakit?