CHAPTER 37

Habang ipinaghahanda ko ng pagkain ang mag-ina ay hindi pa rin ako makapaniwala sa sinapit nila. Pero hindi ito sapat para kumapit sa patalim si Katrina.

"Joyce, bakit kasi pinigilan mo pa si mama na sumama kami doon sa Mr. Loi? Ayoko na dito, gusto ko ng umalis sa lugar na ito!" ani ni Katrina na biglang umiyak. "Alam ko na napaka maldita ko sa'yo at alam ko na nagagalit ka pa rin sa akin dahil sa ginawa ko. Pero gusto ko na talagang umalis dito Joyce! Yung mga lalake dito kapag wala si mama pinapasok nila ako!" sigaw nito sa amin.

Nagulat kami pareho ni tiya sa aming narinig. Biglang lapit ni tiya kay Katrina upang alamin ang lahat.

"Bakit hindi ka nagsasabi sa akin? Bakit wala akong alam? Ni rape ka ba anak?" tanong agad ni tiya.

"Joyce tulungan mo kami ni mama... alam kong parusa ang lahat ng ito sa amin pero gusto kong maging maayos ang buhay namin. Sobra ang takot ko sa kanila na kapag hindi ko sila susundin papatayin nila si mama!" sabay hagulgol nito at nangangatog ang buong