Chapter 17: Gustong-Gusto Kita, Master

BUMALATAY sa mukha ni Samara ang pagtataka nang huminto sila sa harapan ng isang prestihiyosong beauty salon and spa na naroon sa mall. Nilingon niya ang binatang amo ngunit iginiya lamang siya nito papasok.

Masiglang bumati ang staff ng naturang establisimyento dahilan upang magsilingunan ang iba pang kliyente ng mga ito.

"Where is Zia?" tanong ni Jasson sa babaeng naka-assign sa reception desk.

"She's inside the spa area, Mr. Luther. I will just inform her your arrival, Sir," tugon nito na tinanguan ng binata.

Ilang sandali lang, isang matangkad, may balingkinitang katawan at maputing balat ang lumabas sa pintuang tinutukoy kanina ng receptionist. Malawak ang mga ngiti nito habang papalapit sa gawi nila.

"Hey there, Master." Lumapit ito kay Jasson at humalik sa pisngi nito. "Glad to see you here. What can I do for you?" aniya na hindi tinatapunan ng tingin si Samara.

Hinawakan ni Jasson sa baywang ang dalagita at bahagyang hinigit palapit dito. "Ikaw na ang bahala sa kaniya,"