Chapter 18: Grow Up Fast, Baby

Pigil ang ngiti at tinatambol ang dibdib, mabibilis ang mga hakbang na tinalunton ni Samara ang may kahabaang pathway patungo sa malaking bahay.

Hindi niya alam kung saan siya kumuha ng lakas ng loob at kapal ng mukha at hindi lang pagtatapat sa nararamdaman ang kaniyang ginawa— hinalikan pa niya ito!

Damn! Hindi tuloy niya alam kung paano pa itong haharapin at kakausapin.

Balot ng kahihiyan ang buong pagkatao, kagat ang kuko sa hintuturo, patakbo na niyang tinungo ang bungad ng kabahayan upang huwag lamang siyang maabutan ng binatang amo.

Pinihit niya ang seradura ng pandalawahang pinto, bumungad sa kaniya ang kadiliman ng kabahayan na siya niyang ipinagtaka.

Kung bukas ang pinto,nakasisiguro siyang gising pa ang kasamahan niyang si Renz, at isa pa alas siyete pasado pa lamang ng gabi.

"Ate Renz?!" tawag niya rito habang maingat na pumasok sa kabahayan. Tanging mga ilaw buhat sa labas ng bahay lamang ang kaniyang tanglaw.

Nasa kalagitnaan na siya ng mansion nang lumiwanag at…