Kilig

Yun na ata ang pinakamasayang hapunan namin ni Leo. Masaya kaming nagkwekwentuhan habang kumakain at nagtulong na magkasama sa paghuhugas ng pinggan. Pagkatapos naming maghugas ng pinggan ay nagpaalam na ako kay Leo na magtutungo na sa aking kwarto. Pagkapasok ko sa kwarto ay agad akong nagtungo sa banyo para maghalf-bath.

Pagkatapos ko ay agad akong lumabas ng banyo na may nakataping tuwalya sa aking katawan. Pagkalabas ko saktong pumasok si Leo sa kwarto. Natigilan ako nang magtama ang aming mga mata. Hinagod niya ako mula ulo hanggang paa. Namula ako sa paraan ng pagkakatingin niya. Nakita ko ang pagnanasa sa kaniyang mga mata. Tumikhim siya.

"Sorry. Wala kasing sumasagot kaya pumasok ako. Lalabas muna ako." wika niya at umalis na tsaka isinara ang pinto.

Ako naman ay natulos lang sa kinatatayuan. Bigla akong nakaramdam ng hiya! Ano ba yan! Nagbihis agad ako. Nagsuot ako ng duster na sleeveless. Itinali ko ang buhok ko. Naglagay ng pulbos sa mukha. Nang makontento na ako sa aking