Pagbitaw Sa Tungkulin

Gumising ako bandang alas-sais ng umaga. Agad akong nagtungo sa kusina subalit natigilan ako nang marinig kong nag-uusap sina Mama at Leo. Napangiti ako, nagiging palagay na ang loob nila sa isa't-isa. Inilang hakbang ko ang kusina. Nang makapasok ako ay nahinto sila sa pag-uusap at tiningnan ako.

"Gising ka na pala iha. Halika magkape ka muna." wika ni Mama.

Ngumiti ako at lumapit sa mesa para magtimpla ng kape. Tumalikod na si Mama at inabala niya ang sarili sa pagluluto. Nang makapagtimpla ako ay naupo ako sa upuang katapat ni Leo. Hindi ko siya matingnan dahil naalala ko ang nangyari kagabi. Ang halik na pinagsaluhan namin.

"Sinabi ni Agent Jerald na hindi na tayo pwede magtungo pa sa Head Quarters. Siguradong alam na daw nang kalaban na doon tayo nagpupunta." wika niya. Tiningnan ko siya mula sa akmang paghigop ng kape. Nahuli ko siyang nakatitig sakin. Pakiramdam ko matutunaw ako sa mga titig niya. Agad akong nagbaba ng tingin.

"Saan tayo pwede magpulong ngayon?" tanong ko na h