Chapter 46

DAHAN-DAHANG iminulat ni Kate ang kanyang mga mata habang nakahiga sa kama. The room was blurry at first, but her vision cleared nang makita niya ang pamilyar na paligid ng ospital. Napatingin siya sa kamay niya at nakita niya rito ang nakabalot na bandage sa sugatang pulsuhan.

Tila nakaramdam siya ng bigat sa katawan at pagkahilo nang akmang babangon siya. Pagtingin niya sa tabi niya ay nakita niya ang isang tumutunog na makina, ang heartbeat monitor.

Narinig niya ang malambing na boses na nagmula sa pinto, "Kate, gising ka na pala!”

Tanaw ni Kate ang pagdating ng ina niyang si Silvanna. Bakas sa mukha nito ang ginahawa at tuwang makitang gising na ang anak. May dala itong mga prutas at pagkain kaya inilapag muna ito sa mesa saka nilapitan si Kate.

“I’m so glad that you are awake now. Hindi mo alam kung gaano ako nag-aalala sa’yo.”

Ilang sandali pa ay pumasok naman si Robert. Palagay ni Kate ay galing ito sa trabaho dahil sa suot nitong business suit.

“Dad…” sambit niya rito.