CHAPTER 25

HALOS puno ng mga iba't ibang laruan ang backseat ng kotse dahil sa dami ng binili ni Drex para sa kambal. Kung hindi pa ako umapela ay baka pati tindihan ng toys ay bibilhin na niya. Buti na lang talaga ay naka-rubber shoes lang ako, dahil kung hindi ay paniguradong sumasakit na ang mga paa ko sa mga oras na 'to dahil sa kakalibot-libot kanina sa loob ng mall.

"Tila napagod ang mga anak natin. Hindi ko alam na ganyan pala sila kapag natutulog, ang sarap pagmasdan," basag ni Drex sa katahimikan habang nagmamaneho at panay ang sulyap sa kambal na ngayon ay nakatulog at tila napagod sa pamamasyal.

Nanatili lang akong tahimik habang nakasandal ng upo sa loob ng kotse.

Alas otso na ng gabi nang makauwi kami.

Pagdating sa bahay ay agad na ipinasok ni Drex ang kambal sa kuwarto at inihiga sa kama.

Dumiretso ako sa loob ng banyo at naligo dahil parang nanlalagkit na ako sa sarili kong pawis.

Nang matapos ako sa pagligo ay lumabas na ako ng bathroom habang tapis ng puting tuwalya.

Napahinto a