Chapter 28

HALOS lumundag ang puso ni Yumi nang maramdaman ang paghigpit pa lalo ng yakap ng binata. Kinabig pa siya nito at ipinantay ang mukha sa mukha niya. Hindi yata nito akalaing maririnig iyon sa bibig niya, na kahit man siya ay nagulat din. Salbahe kasi ang bunganga niya, kung anu-ano ang lumalabas.

"What did you say? Paki-ulit mo nga." Ipinagdikit pa nito ang kanilang mga noo.

"Ah--" Tumikhim siya upang maalis ang tila bagay na nakabikig sa lalamunan. "Mag--magba-banyo muna ako." Hindi na niya hinintay ang sasabihin pa ng binata. Mabilis siyang umalis sa pagkakayakap nito kahit anong higpit pa at nagdudumaling pumasok ng banyo. Anumang oras ang sasabog na ang kanyang pinipigil. Hindi na niya nagawang isarado man lamang ang pinto ng banyo.

Narinig na lang niya ang pagsigaw ng binata. "Yes... Yahooo! She loves me, too."

Hindi niya napigilan ang mapangiti. Hindi nga dapat pa niyang itanggi ang nararamdaman para sa asawa. Siya lang din naman ang mahihirapan kung ililihim la niya. Pagkatap