Chapter 28: La Baristas

Habang nasa biyahe ay balisa si Yanna. Agad iyong napansin ni Mang Tope.

"Hija, ayos ka lang ba?"

"Ah, opo, Mang Tope. Ano kasi... pwede mo po ba akong ibaba sa may kanto?" pagpapaalam niya.

"Ay, bakit naman, hija? May bibilhin ka ba?"

"Ah, opo. Kaso po makikipagkita ako sa kaibigan ko. Medyo matatagalan po kaya hindi n'yo na po ako kailangang hintayin," pagsisinungaling niya. Ang totoo ay may nakita siyang karatula ng isang hiring sa isang establisiyemento.

"Naku, hija. Magagalit si Alessio kapag hindi kita hinintay o sunduin!"

"'Wag po kayong mag-alala, Mang Tope. Hindi naman po talaga ako magtatagal. Importante lang po kasi sana. Please?" Pinagsalikop pa niya ang dalawang kamay upang magmakaawa sa harapan nito.

Napabuntong-hininga naman si Mang Tope. "Oh, sige! Pero, hija, ipangako mong makakabalik ka ng Bella Casa bago magdilim, ha?"

Napangiti naman siya. Nagningning ang kanyang mga mata. "Salamat po, Mang Tope! Promise po 'yan."

Maraming ibinilin si Mang Tope sa kanya bago siya p