Chapter 12

Simula nang umalis ang binata sa isla, wala na siyang balita mula rito. Natapos na rin ang termino ng kaniyang ama. Ginanap ang halalan at ang lalaki ang nanalo.

Iyon siguro ang dahilan kaya napakaabala nito. Saka, sino ba siya para pagtuunan nito ng pansin at oras? Isa lang siyang babaeng taga-isla na nakilala nito at sandaling pinag-ukulan ng pansin. Wala naman ng bago roon. Baka talagang panandalian lang para sa lalaki ang lahat.

Kasalukuyan siyang nag-aayos ng mga gamit dahil lilisanin niya nang saglit ang lugar nila para sa pangarap.

Yes! Nakuha siya bilang isang iskolar kasama ang kaibigang si Carl. Nakuha nila ang full scholarship with free board and lodging. Pagkain na lang ang problema nila sa araw-araw. Iniisip nila na mag-working student sila kung papayag sa ganoong sitwasyon ang kanilang tutuluyang bahay, dahil balita niya ay strict ang mga ito lalo pa at nasa loob ito ng school.

Apat na taon niyang bubunuin ang sarili sa pag-aral at iyon naman ang plano niya.

May kumatok