Special Chapter 4

Jeremy Natividad

HINAGIS KO ang upos ng sigarilyo sa semento at tinapakan. Binuga ko ang usok pataas. Bored kong tiningnan ang lalaking nasa harapan ko na hawak hawak sa magkabilaang braso nila Emon at Nat. Matalim ang tingin nya sa akin pero mababakas ang takot sa kislap ng kanyang mata pati ang panginginig ng kanyang labi Napangisi ako. Wala pa nga akong ginagawa nanginginig na.

"Ano? Banat na kung babanat ka!" Singhal nya sa akin.

Mas lalo lang akong napangisi, ang dalawa naman ay tumawa lang at binatukan sya.

"Kahapon ang tapang tapang mong maghamon ha. Ngayon parang maiihi ka na sa takot." Komento ni Nat.

"Tsk! Hindi ako natatakot sa inyo. Baka kayo ang natatakot dahil pagtutulungan nyo pa akong tatlo." Matapang na sabi ng lalaki sabay dura sa semento at ngisi.

Tumawa naman kaming tatlo. Mabuti na lang ay nasa tagong lugar kami. Nandito kami sa lumang talyer kung saan maraming mga nakaimbak na kinakalawang na bakal. Ang iba ay mga parte ng mga sasakyan.

"Ang tapang mo bo