Chapter 15

Maraming mga sikat na tao ang naroroon sa party na iyon ni Laura Silva. Mula sa mga negosyante, mga may katungkulan sa lipunan, artista, modelo, at kung sino-sino na halos ikalula ni Katie.

Habang maingat siyang inaalalayan ni Zach, nakasalubong nila ang isang may-edad na lalaki at babaeng sa tantya niya ay nasa twenties pa lamang. Agad na lumapit sa kanila ang pareha.

“Hijo, you look great tonight!” wika ng may-edad na lalaki.

“Tito Frank! How are you po?Kailan pa kayo dito sa Pinas?” Nakipagkamay si Zach dito na halata ang pagkagulat sa mukha.

“Kahapon lang, hijo. Dito na kami for good!” Bina lingan nito ang katabing babae. “This is Camila. Remember her? Siya iyong kalaro mo noong nasa militar pa kami ng daddy mo,” anito.

Tumango si Zach at sinulyapan ang babae. “Hi, Camila! Big girl ka na!” masayang wika nito.

“Hi, Zach! I’m not a girl anymore!” Inirapan nito ang lalaki bago nakuhang yakapin. “I missed you. Ni hindi ka man lang nagpaparamdam kahit sa F* o I*******m,” nakasima