Chapter 14

Nagmamadaling dinukot ni Katie ang kaniyang baril na nasa bewang. Kapag nagkamali ang taong papalapit sa sinasakyan niya, walang buhay itong babagsak.

Kinapa niya ang cell phone sa jacket. Gusto niyang tawaga. Si Mavy pero naisip niyang abala ito sa paghahanda ng kasal nito. Kung si Zach naman—

“No! Magiging kumplikado lang ang lahat,” aniya sa sarili. Ang huling alas na lang niya ay si Esteban at ang tropa.

Pagtingin niya sa screen ng cell phone, may sampung missed calls doon na galing sa unknown number. Hindi niya muna pinansin iyon at hinanap ang number ni Leigh, pero narinig niyang may kumatok sa bintana sa tapat ng driver.

“Kuya, huwag mong buksan!” utos niya.

Pero huli na. Naibaba na ng driver ang bintana ng sasakyan. Mabilis siyang lumipat sa unahan at itinutok ang baril, sa maskuladong lalaki mukhang sagana sa gym.

“Ma’am, ibaba niyo ang baril ninyo. Napag-utusan lang po kami!” Mabilis na ipinakita ng lalaking kaharap ang army lapel pin nito.

“Sino!” matigas niyang sing