Kabanata Sampu

“Can’t breathe?”

Hindi kailangang lumingon ni Anya para lamang mahulaan kung kanino galing ang boses mula sa kanyang likuran. Ang malagom na tinig na iyon ni Clark ay nagdulot nang paninigas ng kanyang likod. She froze. Nanatili sya sa kanyang puwesto at nagpakawala sya nang mabababaw na paghinga. Naramdaman niya ang mabagal na paglapit ng bulto, huminto ito right beside her. Banaag niya ang anino ng binata sa dilim, nakapamulsa ito. Oh God, she missed him so much. Kung maaari nga lang na takbuhin niya ito ng yakap upang damhin ang init nito at nang maibsan ang kanyang pangungulila. Subalit wala sya sa maling katinuan para gawin ang bagay na iyon. May natitira pa rin naman syang respeto at pagpapahalaga sa sarili.

Pero ano ang ginagawa ng lalaki dito sa labas? Sadya bang sinundan sya nito? No! Ito na naman sya sa kanyang mga hopeless thoughts. Pinili niyang magsawalang -kibo at 'wag na lamang itong pansinin. Kunwa ay wala siyang narinig at nakita. Kailangan niyang bakuran ang sarili