CHAPTER 24

“T-Tere…” napatakbo ako nang makita ko si Teresita sa harap ng club. Hindi ko na pinansin kahit na may kayakap siya ng lalaki basta gusto ko lang mailabas ang lungkot ko at gusto ko ng isang taong magiging karamay ko.

Narinig ko pa ang daing nung lalaki nang hilain ko si Teresita at dambahan ng yakap.

“Bes, okay ka lang? Anong nangyari? My God, kawawa naman ikaw,” naaawa niyang sabi habang hinahagod palikod ang buhok ko at pinunasan ang mga luha ko sa pisngi ko. “Tahan na.”

Hindi ako nagsalita ng kung ano bagkos ay mas hinila lamang siya at niyakap ng mahigpit na mahigpit. Alam kong naiintindihan niya ako sa paraan na paghaplos niya sa likod ko.

“Sabihin mo lang kapag ready ka na magkuwento. Tara pasok tayo sa loob, doon ka muna sa pwesto ko,” aya niya. Nagpaalam siya sa lalaking ineentertain niya at hinatid ako sa staff room ng club. Walang katao-tao sa loob. Maganda na rin ito dahil ayokong makita nila ang mukha ko na basang-basa dahil sa luha.

“What happened sa inyo ni Neil?” tanon