Chapter 25

25

"Ayan Annika, malinaw na ba? " Excited na sabi ko.

"Oo ate. Tay! Ito na si Ate Lyrica." Tumakbo ito palabas ng bahay para puntahan si tatay.

"Lyrica anak! Kumusta ka? " Natutuwang sabi ni tatay.

Inintay ko pa na makasahod ako para mapadalhan ng pambili ng cellphone si Annika at Boyet, bukod sa makakapagvideo call na kami ay magagamit rin nila ito sa pag aaral.

"Ayos lang tay, kayo po kumusta? " Maiyak iyak pa ako ng makita ko sila sa video call. Sobrang miss na miss ko na sila.

"Ayos lang din anak, nakabili na kami ng isang kabang bigas dahil sa padala mo tsaka naibili na rin ng gatas ang mga pamangkin mo. " Nakangiting sabi nito.

"Ganun po ba, mabuti naman po tay."

"Ate, binilhan namin si tatay nung radio na rechargable para kapag nasa bukid siya ay nakakapakinig siya ng balita o kaya naman ay musika." Magiliw rin na sabi ni Boyet.

"Oo nga ate, tuwang tuwa nga si tatay." Tumatawang sabi ni Annika.

"Mabuti naman. Sa susunod kapag kaya ng budget ko, bumili kayo ng telebisyon para