Chapter 56

56

Naiwan ko pala ang cellphone ko sa bahay ni Sir Helios kaya hindi ko macontact sila tatay. Napagdesisyunan kong umuwi muna sa amin dahil sa nalaman ko. Masakit sa akin na talagang hindi ako anak ni Tatay, isama pa na inilihim sa akin ni Sir Helios at Lucian ang totoo. Karapatan ko naman sigurong malaman kung sino ba talaga ang totoo kong ama...

Hindi ko na alam kung anong oras ako nakauwi sa amin basta nangatok na lamang ako sa aming pintuan.

Si ate Cynthia ang nagbukas ng pintuan at mababakas sa mukha niya ang pagkagulat.

"Cynthia, sino iyan? Alas dos palang ng madaling araw a? " Rinig ko ang boses ni tatay mula sa loob ng aming bahay.

"Si... Si Lyrica po itay." Sabi nito at saka nilakihan ang pagkakabukas ng pintuan.

"Tay..." Nasabi ko na lamang. Pinigilan ko ang luhang gusto ng umalpas sa aking mga mata. Mahigpit akong yumakap sa kanya.

"Lyrica! Bakit wala ka man lang pasabi na uuwi ka? Naipakaon sana kita sa kuya Roy mo, anong oras pa lamang! " Mababakas sa kanyang mukha ang l