CHAPTER FIFTEEN

"Mommy... sinagot ko na po si Lennon..."

Bakas ang pagkagulat sa mukha niya sa ibinalita ko, ganoon din si Daddy na alam kong alam niya na rin ang ginagawa ni Lennon na panliligaw sa akin.

"Sandali lang, anak. Hindi ba't nag-usap lang tayo kagabi? Paanong sinagot mo na siya ng ganoon na lang?" naguguluhang tanong sa akin ng aking ina.

"Cherry, ni hindi pa nga siya umaakyat ng pormal na panliligaw dito sa bahay, hindi pa siya humaharap sa amin bilang manliligaw mo, tapos sinagot mo na agad? May isang linggo pa lang simula nang naglalalabas kayo niyan ni Lennon," dismayadong bulalas naman ni Daddy.

Paano ko ba ipaliliwanag? Si Mommy ay walang problema ngunit si Daddy ay halata nang galit at iritable sa nalaman. He thinks I bypassed him.

"Daddy, sorry for not telling you, alam ko nang alam niyo na dahil sinabi naman na sa inyo ni Mommy pero ako nagsabi kay Lennon na ilihim namin ito. Kaya po hindi na siya naglakas loob sabihin sa inyo, at pormal na umakyat ng ligaw," alanganin paliwanag