Chapter 11

Pakiramdam ni Serrie ay nananaginip siya. Parang nananaginip siyang nakahiga siya sa malambot at mabangong kama. Hindi niya alam kung ang panaginip ba ay iyong pagtulog niya sa storage room kagabi o itong paghiga sa malambot na higaan.

Nagmulat siya ng mata at napag-alamang nakahiga siya sa pamilyar na kama. Hinawi niya ang kumot na nakatakip sa katawan at bumangon. Gulat na pinagmasdan niya ang paligid. Nasa silid siya ni Hidan. Papaano siya nakarating dito? Nag-sleep walk ba siya? Tinapik tapik niya ang pisngi at agad kumilos para makaalis na.

.....

Kulang sa tulog si Serrie at inaantok pa rin nang makapasok na siya sa trabaho. Halatang puyat ang mukha niya na sa tingin niya'y napansin ni Owen.

“Ayos ka lang?” Siniko siya ni Owen.

Tumango siya at ngumiti. Panay pa rin ang sulyap ni Owen sa kaniya hanggang sa lunch. Hindi na nga siya kumain ng maayos na tanghalian dahil kumain na lang ng burger at inilaan niya na lang sa pagtulog ang buong break time niya.

At nagtungo ulit siya s