Ilang beses siyang napalunok bago lumingon kay Hidan. Sinikap niyang ipakita ang pormal niyang awra. Kailangan niyang kumalma. Dapat makita nitong hindi siya apektado. Dapat isipin nitong wala lang iyon sa kaniya.“Po?” aniya nang tuluyan nang makalingon.Nakita niya kung papaano gumalaw ang bagang ni Hidan nang magsalubong ang mga mata nila. Gusto niya nang umatras pero hindi pwede. Gusto niya nang tumakbo palayo rito pero kailangan niyang manatili doon at harapin ito. “Serrie...”Sinikap niyang manatiling kalmado matapos marinig ang pangalan niya sa bibig nito. “Hindi po ako ang sekretarya ni Sir Sandro. Si Trixie po ang sekretarya niya. Tatawagin ko ho si Trixie para sa inyo.”Inignora niya ang binanggit ni Hidan. Umaktong hindi big deal iyon. “How are you Serrie?” ani Hidan nang akma na siyang tatalikod para umalis sana at tawagin si Trixie.Kunot noong nilingon niya si Hidan. “Bakit niyo ho ako kilala?”Tama! Ang pinaka unang sumagi sa isipan niya ay... magkunwaring may amnesi
“Hindi ko alam ang gagawin, Sandro. Bakit biglang ganito? Bakit bigla niyang naisip na gawin akong secretary?”Nanginginig ang kamay na kausap niya sa kabilang linya si Sandro. Tapos sabihin ni Hidan iyon ay agad niyang sinabi kay Sandro ang desisyon ni Hidan.“Hahanap ako ng paraan para makumbinsi siyang huwag kang kunin na-”“Hindi! Hindi! Huwag mo siyang kausapin ng tungkol doon. Pagdududahan niya tayo!” agad niyang sansala.Malaki ang tsansang magduda si Hidan kapag si Sandro pa ang kukumbinsi kay Hidan para sa kaniya. Matalino si Hidan. Tiyak na bibigyan agad nito ng kahulugan ang lahat ng mapapansin nito. “Hahayaan ko na lang siya sa gusto niya. Sa ngayon... iyon na lang ang tanging magagawa ko.” Tensyunadong napalunok siya.“Oobserbahan ka niya, Serrie. Kaya ka niya kukuning secretary at kaya gusto niyang malapit ka sa kaniya. Mag-iingat ka.”Mas lalo lang siyang kinabahan sa huling sinabi ni Sandro. “Hindi ko alam kung bakit gusto niyang makipagpalit ako sa'yo. Wala namang k
“A-Ayos ka lang ba? Sorry talaga,”ani Divine sa kabilang linya. “P-Puntahan kita diyan. Sorry talaga, Serrie.”Nagtataka siya kung bakit ganito magsalita si Divine. Bakit ito magso-sorry? May nagawa ba itong kasalanan? Bumalik sa realidad ang isipan niya nang maalalang nagising siya dito sa silid na hindi sa kaniya. Katabi niya kanina ang lalaking hindi niya kilala. Agad siyang bumalikwas ng bangon nang malaman ang sitwasyon at dali-dali na nagtago sa banyo. Nagpatangay lang naman siya kay Divine sa club kagabi dahil sinabi nitong magpapa-dispidida ito dahil tutungo na ito ng Spain sa Linggo. Hindi niya forte ang clubbing pero dahil sa kaibigan pinatos niya ang imbitasyon nito.At sa isang kurap ay matatagpuan niya ang sariling nagtatago na sa sa banyo ng hotel. Yakap-yakap niya lang ang kumot. Hindi niya na nagawa pang kunin ang mga gamit niya dahil sa pagmamadali. Nanginginig ang kamay niya habang hawak ang phone.“T-Tulungan mo ako. Hindi ko na alam ang gagawin, Divine.” Nagpaling
Hindi niya pa alam kung ano ang dahilan ng paghingi ni Divine ng tawad sa kaniya. Hindi niya na rin kasi naitanong. Kinakabahan man siya ngayon ay kailangan niyang umuwi agad. Alam niyang pagagalitan siya ngayon dahil hindi siya umuwi kagabi. She's already 20 but still mahigpit pa rin ang pamilya niya sa kaniya. Hindi siya tulad nina Divine na may kalayaang gawin ang gusto. They're born in a liberated family, while she's not. Tahimik ang sala not until her father rush on the sala. Nakasunod ang Mama niya.“Bernard, please. Stop it, let her explain first,”awat ng Mama niya na halos patakbo nang sumunod sa ama-amahan niya.Nanlilisik ang mata ni Bernard na deretsong nakatingin sa kaniya. Para itong lion na nakawala sa kulungan nito at handang manakit ng kahit na sinong makakasalubong nito. Kabado at wala siyang ibang nagawa kundi ang tingnan ang ama-amahan na paparating sa kinaroroonan niya.Lumagapak ang isang malakas na sampal sa pisngi niya. Parang papanawan siya ng ulirat dahil sa
Pagkagising niya ay agad siyang tumakbo tungo sa CR para dumuwal. Nanghihina na sumandal siya sa dingding ng CR matapos ang lahat. Maiiyak na siya dahil hindi niya maintindihan ang nangyayari sa sarili. Kada-umaga na lang siyang nagkakaganito. Grounded pa rin siya pero hindi na siya pinipilit na magbasa ng mga libro na may kuneksyon sa business. Pwede na siyang magpinta pero parang wala siyang ganang gawin iyon ngayon. Inaantok siya at tinatàmad siyang magkikilos ngayon.Tumunog ang cellphone niya. Nasurpresa siya nang malamang si Divine ang nag-send sa kaniya ang voice recorded message. Nagtataka siya. Bakit voice record? Hindi naman kasi ito ganoon.“Hindi ko masabi sa'yo ito ng harapan, Serrie,”umpisa nito. Bumuntong hininga ito na parang nahihirapan itong umpisahan ang sasabihin. “Pero kasi. Nakukunsensiya ako noong marinig kong ipapakasal ka na kay Coby.”Humagulhol si Divine. Napalunok siya. Kinabahan na rin dahil pakiramdam niya may malaking problema si Divine. Kaya lang anong
Wala naman siyang ginawang masama sa lalaki pero hindi niya maintindihan kung bakit pinagpapawisan siya ng malamig ngayon. Binaba na nito ang phone at ngayo'y binalot sila ng katahimikan sa loob ng elevator.Hindi niya ito magawang lingunin. Kung maaring huwag na lang huminga ngayon para hindi lang siyang mapansin ni Hidan ay gagawin niya. Napasinghap siya nang maramdaman ang pagsakit ng puson. Kanina pa siya nakatayo mula pa noong dumating siya dito sa building at nagbuhat siya ng napakaraming damit mula sa mga karton sa dressing room. Napagod siya kaya duda niya, iyon ang dahilan kaya sumakit ang puson niya ngayon. O baka naman magkaka-period na siya.Sinapo niya ang puson. Kaya lang sumakit pa iyon ng tudo dahilan para mabitiwan niya ang damit. Ilang beses siyang nagdasal sa isipan niya na sana huwag naman ngayon. Huwag naman sa harapan ni Hidan. Pinindot niya ang open button ng elevator. Nakarating na sila sa eksaktong floor pero hindi pa nagbubukas ang pinto kaya natataranta na
“Sino po? Bakit walang sinasabi si Papa?” Panay ang sunod niya sa mama niya. Patungo ito ng pool at may bitbit na libro.Walang binanggit ang ama niya kung sino at anong uri ng tao ang ipapakasal sa kaniya. Siya ang ikakasal at makikisama doon sa taong iyon kaya kailangan niyang malaman. Sinabi ng ama niya na isang CEO ang lalaking iyon. Pero pagkatapos no'n, wala na.“Matanda na ba? Ilang taon ang tanda sa akin?” Nahihintakutan niyang sunod-sunod na tanong.Ayos lang sa kaniya kahit pa matanda pa sa kaniya o ano. Hindi importante ang pisikal ang problema ay kung mas makapangyarihan kaysa sa kanila, tiyak mas delikadong makalaban ang taong iyon. Kapag nalaman ng lalaki na buntis siya matapos ang kasal ay tiyak mas magiging delikado ang buhay nila ng kaniyang anak.“I don't know, Serrie. Sumunod ka na lang sa ama mo para wala nang gulo,”balewalang sabi ng ina niya. Nagpapahid ito ng sunscreen habang naka-upo sa sun lounger ng pool. May bitbit na libro ang mama niya at balak pa yatang b
"Bernard!"Umalingawangaw ang boses ng ina niya sa buong mansyon. Kararating lang nila at siya namang pagtalikod ni Hidan Alijer. Hinintay lang ng ama-amahan na makaalis si Hidan Alijer para magawa na nito ang gusto nito. Humarang ang ina niya sa kaniya kaya't ang mukha ng ina niya ang natamaan ng sampal nito. Nahintakutan si Bernard nang makita ang namumulang pisngi ng asawa. Mas lalo lang itong nagalit sa kaniya kaya't susugod na dapat ito ulit sa kaniya nang magsalita ang ina niya. "Buntis ang anak mo!"Namilog ang mata ni Bernard sa narinig. "A-Ano?" Tulala ito."Huwag mong saktan si Serrie dahil buntis siya..." Wala sa sariling ulit ng ina niya.Hindi niya alam kung saan iyon narinig ng Mama niya. Maliban kay Divine wala na siyang sinabihan na iba. Kaya't papaano nito nalaman ang tungkol doon? "Ikaw..." Kumuyom ang kamao ni Bernard. Niyakap siya ng ina. Dahil kung galit ito kanina. Tiyak na mas galit ito ngayon matapos marinig ang pinakamalalang balita. “Ipalaglag mo 'yan!”