Chapter 7

Namamangha na napatingala si Serrie sa mataas na ceiling ng bahay. Hindi niya lubos akalaing mas malaki pa ang mansyon na ito kaysa sa bahay nila. Ito ang unang araw na lilipat siya sa mansyon ni Hidan. Ito ang unang araw na gagampanan niya na ang pagiging asawa niya.

Bumuntong hininga siya nang sulyapan ang bagahe. Napanganga siya nang mamalayang nasa labas pa ang bagahe niya. Pumasok na ang driver at hindi man lang pinasok ang bagahe niya. Napilitan siyang balikan sa labas ang bagahe at napabaling sa paligid. Wala yata si Hidan sa bahay ngayon. Iniisip niya nasa trabaho ang asawa.

May nasalubong siyang babae. Nakasuot ng pangkatulong na damit.

Ngumiti siya dito. “Ah, ipapasok ko lang ang gamit ko. Nasaan ang silid ko-”

Hindi na siya pinatapos nito. Dahil may inilahad itong papel sa kaniya. Nanatiling blangko ang emosyon sa mukha ng babae nang ibigay sa kaniya ang papel.

“Ito ang iniwan ni Sir Hidan sa akin. Ibigay ko raw sa'yo para malaman mo ang mga dapat at hindi dapat gawin sa b