Chapter 18

CHAPTER 18

PAKANTA-KANTA si Syler nang sumakay siya sa elevator ng Vergara Holdings. Hindi niya magawang itago ang malaking ngiti na nakaguhit sa kanyang labi. Parang lumulutang pa rin siya sa nag-uumapaw na saya. Hindi pa rin mabawasan ang kilig na nadarama niya. 

Ilang beses niyang hinawakan ang kanyang labi na dinampian ni Rusty nang masuyong halik. Mas lalo pang nadaragdaragan ang kilig na kanyang nadarama sa tuwing inaalala niya ang sandaling iyon. Sa buong buhay niya ay iyon lang ang unang beses na nahalikan siya nang totoo. Mas masarap pala ang mahalikan nang totoo kaysa sa halik na inilalarawan niya sa kanyang nobela sa tuwing naghahalikan ang mga bida. Parang gusto na niyang magsulat ulit ng isang nakakakilig na eksena. Gusto niyang ilabas sa pamamagitan nito ang kanyang nararamdaman dahil pakiwari niya ay sasabog ang kanyang dibdib sa sobrang kilig at saya kung hindi niya ito maisusulat. 

Sinuot niya ang earphon