Chapter 109: Wrong Decision

ANG ILAN sa kanila ay palihim na sumulyap pa sa table ni Alyson. May mga naaawa, ang iba naman ay hindi makapaniwala. Pilit inabala ni Alyson ang isipan sa ibang bagay para hindi sila mapatulan.

"Ang saklap naman. Mabuti pa 'yung mahirap ka tapos bigla kang yumaman keysa naman mayaman ka tapos bigla kayong maghihirap."

"Sinabi mo pa, ang hirap noon mag-adjust."

"Tapos nabenta na ang bahay nila. Kaya siguro wala na talaga siyang ibang choice kundi ang pumatol na lang dahil hindi sanay maghirap."

"Hala, baka nga 'yun ang dahilan—"

Natigil lang ang bulungan nang may bigla na lang tumikhim sa pintuan.

"Ang aga-aga, kung kani-kaninong buhay na agad ang pinakikialaman niyo!"

Si Kevin na pumasok na sa area. Hindi bingi ang lalake para hindi marinig ang lahat ng masasakit na mga salitang pinupukol nila kay Alyson. Hindi man niya alam ang buong nangyari pero base sa galaw ng mga employee, si Alyson ang tinutukoy.

"G-Good morning, Mr. Evangelio!"

Napatayo na ang lahat nang marinig ang bose