Chapter 108: Company Rumored

BUONG ARAW ng Linggo ay wala sa bahay si Geoff. Maaga siyang umalis para pumunta sa apartment ni Loraine at gabi na nang bumalik. Samantalang si Alyson naman ay ginugol lang ang buong araw sa paghiga at pahapyaw na paggawa ng mga drafts niya ng kanyang design.

Kinabukasan ay halos sabay silang lumabas ng silid. Nagtagpo sa may puno ng hagdan. Saglit na natigilan at kapagdaka ay nagkatinginan. Walang imik na naunang bumaba ng hagdan si Alyson. Hanggang sa hapagkainan ay wala silang imikan. Panaka-naka tuloy ang tingin ng maid sa kanila.

"Bilisan mong kumain, nagmamadali ako dahil sa early kong meeting."

Napa-angat na ng paningin si Alyson na problemado na naman sa sasakyan niya. Araw-araw na yata niyang iisipin ang tungkol doon. Dapat talaga ay may kinontrata na siyang grab driver. Iyong tipong araw-araw siyang susunduin, sa pag-uwi naman ay walang problema. Kumbaga ay gagawin niyang service ito kada umaga. Blangkong tiningnan lang siya ni Alyson. Lutang na hindi makuha kung ano ang g