Chapter 107: Dukhang Alipin

HUMALAY PA ang malakas na tawa ni Alyson sa kabuohan ng silid na animo ay kinikiliti nang pilit kunin ni Geoff ang cellphone sa mahigpit na hawak ng kamay niya. Ipinakita niya ang mahigpit na hawak dito para kunwari ay ayaw niyang ibigay 'yun sa lalake at para convincing na hindi niya nagawang magtago ng kopya. Para silang mga aso na nag-aagawan sa bolang inihagis ng amo at kung sino ang mananalo ay tiyak may reward. Nag-rumble pa sila sa ibabaw ng kama.

"Ano ba? Masisira ang cellphone ko!" hila dito ni Alyson, pawis na pawis na ang buong mukha.

"Bitawan mo na kasi nang hindi masira!"

"Ayoko—aray, ang bigat mo Geoff! Huwag mo akong daganan. Hindi ako makahinga..."

Parang wala na namang narinig si Geoff na kumubabaw pa sa kanya at pwersahan pa 'ring kinuha ang cellphone niya. Nanlamig na ang katawan ni Alyson. Hindi siya galit sa asawa. Sa halip ay tuwang-tuwa pa nga siya sa mga ginagawa nito. Para silang naghaharutan lang.

"Hindi ko naman ipo-post 'yan online para sirain ang image mo