Chapter 127.2

Sa sandaling umalis si Lucas ay agad na nawala ang pagod at antok na nararamdaman ni Olivia at nagmamadaling tumakbo patungo kay Annie. Sa totoo lang ay tinapos na nilang mag-shoot sa dalawang magkasunod na araw kahit wala siyang ganong tulog dahil ang sabi niya ay may tao siyang kailangang samahan at iyon ay si Annie. Kanina nga ay halos masubsob na siya sa sobrang antok niya pero dahil sa naabutan niya ngang eksena ay nawala na ang lahat ng iyon.

“Annie, anong ibig sabihin ng nakita? Magkasundo na ba kayo?” tanong niya kaagad kay Annie na wala ng paligoy-ligoy pa.

Mabilis naman na napatango si Annie. “Oo.” sagot nito sa kaniya.

Napabuntung-hininga siya at bahagyang napailing. “Apurang-apura pa naman ako dahil ang akala o ay baka mamatay-matay ka na rito sa sobrang lungkot pero yun pala ay may kasama ka na.” sabi niya at bahagyang kinurot ang tagiliran nito.

Ilang sandali pa nga ay agad na lumapit si Annie sa kaniya at mabilis siyang niyakap nito. “Masaya ako nandito ka na.” sabi nit